REİNKARNASIYA VƏ KABBALA

28-04-2025, 13:14
ЦЕНТР КВАНТОВОГО МЫШЛЕНИЯ

0
2 228

Foto : blavatskytheosophy.com

Heç birimiz yeni ruh deyilik, hamımız digər reinkarnasiyalardakı öncəki yaşamımızdan və yaşantılarımızdan təcrübə toplamışıq. Keçmişdəki 6 min il boyunca hər bir nəsildə ruhlar müxtəlif vaxtlarda buraya – yer üzünə enmişlər. Onlar yeni ruhlar deyillər, lakin onlar ruhi inkişafın müəyyən formasını əldə etmiş müxtəlif növ ruhlardır.

Ruhlar dünyaya xüsusi nizamla eniblər. Onlar dünyaya təkrar-təkrar daxil olurlar, ruhların sayı sonsuz deyil, islah yönündə irəliləyərək dönə-dönə qayıdarlar. Onlar az-çox eyni olan yeni fiziki bədənlərlə şəkillənirlər, lakin enən ruhların növü fərqlidir. Bu, günümüzdə reinkarnasiya adlanır. Kabbalistlər isə başqa bir termindən istifadə edirlər – “Nəsillərin inkişafı”. Ruhun və bədənin birləşməsi ilə baş verən bu qarşılıqlı birləşmə ruhun islahına kömək edir. İnsandan “ruh” olaraq danışılır, “bədən” olaraq yox. Bədənin özü də dəyişdirilə bilər, necə ki, bu gün orqanlar dəyişdirilə bilinir. Bədən, sadəcə ruhun fəaliyyətini təmin edən bir örtük rolunu oynamaq sarıdan işə yarar. Hər nəsil fiziki cəhətdən əvvəlkinə bənzəyir, lakin bir-birlərindən fərqlidirlər, çünki hər dəfə ruhlar buradakı əvvəlki həyatlarından gətirdikləri təcrübələrlə gələrlər. Beləliklə, hər bir nəsil əvvəlki nəsildən fərqli istək və hədəflərə sahib olar. Bu isə hər bir nəslin özünəməxsus şəkildə inkişaf etməsinə imkan verir. Həqiqi gerçəkliyi bilmək istəyinə və ya Yaradan kimi olmaq hissinin dadını bilmək arzusuna çatmamış nəsil belə, çəkdiyi iztirablarla öz borcunu yerinə gətirir. Bu, həmin nəslin əsl reallığa doğru irəliləyişinin məxsusi biçimidir. 

Bütün ruhlar “Adəm Ha-Rişon” (ilk insanın ruhu) deyə adlandırılan tək bir ruhdan gəlirlər. Burada, qutsal kitablardakı Adəm deyil, mənəvi, daxili reallıq anlayışı nəzərdə tutulur. İlk insanın ruhunun hissələri bədən və ruh arasındakı əlaqə vasitəsilə bədən şəklini alaraq dünyaya enib. Gerçəklik elə idarə olunur ki, ruhlar enir və özlərini islah edirlər. Ruhlar bədən formasını aldıqda, ilk başladıqları səviyyədən 620 dəfə yuxarı qaldırırlar. Ruhların bədəni təcəssüm etdirmə reallığına enmə ardıcıllığı yüngüldən ağırlığa (bəsitdən kamilə) doğru gedir.

İlk insanın ruhu sahib olduqları eqoizmin miqdarından asılı olaraq bir çox hissələrdən, bəziləri ağır, bəziləri də yüngül olan bir çox istəklərdən ibarətdir. Bu dünyaya əvvəlcə yüngüllər, sonra ağırlar gəlir. Buna görə də islah tələbləri dəyişir. Ruhlar dünyaya enərkən çəkdikləri əziyyətlərdən təcrübə toplayır. Bu, əzab yolu adlanır, çünki bu təcrübə ruhu inkişaf etdirir. Hər dəfə ruh reinkarnasiya edildikdə, onun varlığı, kökləri və insan həyatının əhəmiyyəti ilə bağlı suallara cavab axtarmağa vadar edən bilincsiz bir istəyə sahib olur.

Bu səbəbdən az inkişaf etmiş və ya çox inkişaf etmiş ruhlar var. Ruhları yüksək səviyyədə inkişaf etmiş insanlar reallığı müəyyən etmək üçün o qədər güclü həvəsə malikdirlər ki, özlərini bu dünyanın sərhədləri ilə məhdudlaşdırmırlar. Əgər onlara düzgün alətlər, düzgün kitablar və düzgün göstərişlər verilərsə, mənəvi (görünməz) dünyanın təsvirinə nail olarlar. 

Bundan əlavə, Kabbala enən ruhları saf və ya daha az arınmış ruhlar olaraq təsvir edir. Bu, ruhun islaha nə qədər ehtiyacı olduğunun ölçüsüdür. Daha çox islah ehtiyacı olan ruhlar daha az arınmış ruhlar sayılır. Fərqli ruhlar enərkən, hər bir nəslin ruhu üçün gərək olan ayrıca hidayət və islah tələb edir. Ona görə də hər nəsildə mənəvi tərəqqimizdə bizə yol göstərən insanlar var. Bu şəxslər o nəslə ən uyğun olan reallığı kəşf etmək üsulunu çatdırmaq üçün kitablar yazmış və tədqiqat qrupları yaratmışlar. Bu media əsrində bu şəxslər televiziya, radio və ən son internetdə görünə bilər. 

Arinin ruhu görünməzdən əvvəl bu dünyada təcrübə toplama və əzm dövrü var idi. İslaha doğru irəliləyiş əldə etmək üçün ruhların mövcudluğu kifayət idi. Yığdıqları əzablar onların ruhlarında bu əzabdan xilas olmaq üçün bir öncəlik və təciliyyət  təmin etdi. Onların əzab-əziyyətlərini arxada qoymaq istəyi nəsillərin tərəqqisinin motivasiyaedici qüvvəsi idi. Bu dövr 16-cı əsrə qədər davam etdi. Ari meydana çıxdı, öz nəsli və dünyanın bütün kişi, qadın və uşaq nəsilləri və Kabbalanı öyrənmək üçün lazım olanları yazdı. Əsas olan o idi ki, Yerə enmiş ruhların həqiqi reallığı dərk edə bildikləri və Arilər tərəfindən hazırlanmış xüsusi üsulla öz islahlarını tamamlamağa hazır olduqları nəsillərin inkişafı vaxtı gəldi. Özləri üçün lazım olanı əldə edə bildilər. 

Ruhların hələ fiziki bədənlərində olarkən yalnız bir istəkləri var: öz köklərinə, enişindən əvvəlki səviyyəyə qayıtmaq. Fiziki bədənlər onları qəbul etmək istəyi ilə bu dünyaya qaytarır. İnsan şüurlu şəkildə ruhən yüksəlmək istəyir. Bu uyğunsuzluğun yaratdığı sürtüşməyə sərf edilən böyük səy onun əvvəlki səviyyədən 620 dəfə yuxarı qalxmasına kömək edir. Əgər ruh bu tapşırığı yerinə yetirməzsə, indiqo növbəti dəfə islah olunmağa daha layiqli şəkildə dünyaya reinkarnasiya ediləcək. Bəzən inanırıq ki, növbəti reinkarnasiyada daha uğurlu ola bilmək üçün arzu və istəklərimizi inkar etməliyik. Düşünürük ki, pişik kimi bir az yemək və günəşdə yatmaqdan başqa heç nə istəməməliyik. Ancaq bunun əksi doğrudur, çünki sonrakı daha amansız, tələbkar, sərt və aqressivdir. Yaradan kamil olmaq üçün bizim ruhani sevinclə dolmağımızı istəyir. Bu, ancaq böyük arzu ilə mümkündür. Yalnız islah olunmuş bir istəklə biz həqiqətən mənəvi aləmə çata, güclü və aktiv ola bilərik. Yəni, istəyimiz az olsa, bu, bizə çox zərər verməyəcək, ancaq faydası da çox olmayacaq. İstək yalnız düzgün təsirə məruz qaldıqda islah olur. Bu avtomatik olaraq baş vermir, ancaq Kabbalanı doğru şəkildə öyrənməklə əldə edilir. 

Ruhların qəbullanma iradəsinə əsaslanan piramidası vardır. Piramidanın aşağı hissəsində xırda istəkləri olan, dünyapərəst, heyvani davranışlarla rahat həyat sürmək istəyən çoxlu ruhlar var. Piramidanın növbəti bölməsi var-dövlət əldə etməyə həvəsi olan kiçik ruhlardan ibarətdir. Bu ruhlar varlanmaq üçün özünü qurban verən və var-dövlət əldə etmək üçün bütün həyatını bu işə həsr etmək istəyən insanlardır. 

Piramidanın növbəti hissəsində başqalarını idarə etmək, onları təsirdə saxlamaq və güc nöqtələrinə çıxış əldə etmək üçün hər şeyi edəcək olanlar var. Az adamın hiss etdiyi daha böyük istək isə bilikdir. Bunlar həyatlarını xüsusi bir şey tapmağa sərf edən elm adamları və akademiklərdir. Bu insanları ancaq edəcəkləri mühüm kəşflər maraqlandırır. 

Piramidanın zirvəsində ruhani dünyaya çatmaq üçün ən güclü istəklər dayanır ki, bunlar, yalnız çox az sayda inkişaf etmiş ruh üçün mümkün olur.  Bütün bu səviyyələr piramida daxilində qurulmuşdur. İnsanın da öz daxilində eyni istək piramidası var və onu alt-üst eləməlidir ki, piramidanın ağırlığı onu ən saf arzuya, həqiqəti istəyən sonsuz arzuya yönəlməyə məcbur etsin. O, bütün dünyəvi eqoist istəkləri rədd edib ondan qurtulmalı, bütün səy və enerjisini mənəviyyat istəyini artırmağa sərf etməlidir. Bu, düzgün çalışma üsulu ilə əldə edilir. Əgər insan həqiqətən də mənəviyyat istəyini artırmaq istəyirsə, o zaman onu əhatə edən Nur – yəni, ondan gizli qalan mənəvi aləmi onun bu arzusunu daha da artıraraq onun üzərində əks olunmağa başlayır. Bu mərhələdə bir Kabbalistin rəhbərliyi altında qrup işi vacibdir.

Bu gün enən ruhlarda baş verən mühüm dəyişiklik ondan ibarətdir ki, biz ətrafımızda mənəvi sistemə nail olmaq üçün müəyyən bir istəkliliyi görməyə başlamısıq. Hətta, adi insanlar da dünyamızdan kənarda bir şeyləri, mənəvi olanı axtarırlar. Bu, ümumilikdə mənəviyyatı, hər cür qısa yolları, cadu hiylələrini və ezoterik təlimləri də barındırsa da, yenə də fərqli bir reallıq axtarışına işarə edir. Əgər bir nəsil öz ruhunda daha güclü bir istək göstərsə, bu ruhlara uyğun yeni bir üsul ortaya çıxacaq.

Son 15 il ərzində yeni ruhların enişində sürətli və aktiv irəliləyiş olmuşdur. Bu ruhların istəyi daha güclü və daha realdır. O, yalnız həqiqi reallığa çatmağa yönəlib. Gerçəkliyin bizimlə necə əlaqəli olduğunu, ondan necə təsirləndiyimizi həqiqətən dərk etdikdə, biz haram olanı etməyi dayandırıb, doğru olanda israr edib, bunu edəcəyik. O zaman real dünya ilə özümüz arasındakı harmoniyanı kəşf edəcəyik. Bu arada biz bilincsiz olaraq səhv edirik və sonra səhv etdiyimizi anlayırıq. Bunun qarşısını almaq qeyri-mümkün görünə bilər. Elə buna görə də insan getdikcə daha da çıxılmaz vəziyyətdə qalır, getdikcə çətinləşən dilemmalarda ilişib qalır. Anlayacağıq ki, bizim bir hissəsi olduğumuz mənəvi dünyanı qəbul etməkdən başqa alternativimiz yoxdur. Bu qəbul bizi yeni bir vəziyyətə gətirib çıxaracaq ki, biz, təkcə fərdlər kimi deyil, kollektiv bir orqan kimi şüurlu şəkildə hərəkət etməyə başlayacağıq.

Bütün insanlar bir ruhda bir-birinə bağlıdır və bir ruh nəsildən-nəslə bağlıdır. Hamımızın ortaq məsuliyyəti var. Buna görə də Kabbalist “dünyanın qurucusu” kimi qəbul edilir. O, bütün dünyaya təsir edir və bütün dünya ona təsir edir.

Maykl Laytman: “KABBALANIN GİZLİ BİLGƏLİYİ” kitabından bir bölum

Qeyd: 

1. Ari - Arı kimi tanınan İsaak Ben Solomon Aşkenazi Luria təqribən 1534-cü ildə doğulub.  O, Osmanlı Suriyasının , indiki İsrailin Qaliley bölgəsindəki Safed icmasının aparıcı ravvin və yəhudi mistiki idi. Müasir Kabbalanın atası hesab olunur, onun təlimlərinə Lurianik Kabbala deyilir.

2. İndiqo - Bəziləri kicik yaşlardan etibarən digərlərindən fərqli olduğunu, dünyaya və muhitə yad olduğunu hiss edər və aramızda  bir missiyanı gerçəkləşdirmək üçün var olarlar. Toplum tərəfindən öncə qəbul edilməz, sonradan anlaşılarlar. Bu insanlar sezgiləri qüvvətli, yenilikçi, nəzərəçarpan olurlar. Xüsusilə, 1930-cu illərdən sonra böyük bir sürətlə reinkarnasiya etmiş, dünyanın şüur səviyəsini yüksəltməyə gəlmişlər. Bu insanlar indiqo ruhlardır.