Azərbaycanda “Gürcü dili” kitabı nəşr olunub.
Ethnoglobus.az
Azərbaycanda “Gürcü dili” kitabı nəşr olunub. Kitabın naşiri PAN nəşriyyatıdır.
Kitabı hazırlayan Bakı Dövlət Universitetinin Qafqazşünaslıq ixtisasında "Gürcü dili" fənnini tədris edən Nəsibə Mirzəyevadır.
N.Mirzəyeva facebook səhifəsində bildirib: "Mənim üçün böyük olan bu işin ərsəyə gəlməsinin bir sıra səbəbləri var idi. 2020-ci ildən etibarən Bakı Dövlət Universitetinin Qafqazşünaslıq ixtisasında "Gürcü dili" fənnini tədris etməyim mənim qarşımda bu dili "daha asan, maraqlı, effektiv necə izah etmək olar" sualını qoydu. Lap əvvəldən də marağım olduğu üçün illərlə gürcü dilinin fərqli suallarına cavab axtarmağım bu iş üçün münbit əsasa çevrildi. Ən önəmlisi və çətini isə kitab yazmaq yox, onu daha oxunaqlı etmək, öz doğma dilimizlə qarşılaşdırmaq və oxucuya sanki onunla danışırammış kimi təqdim etmək idi. Bu məqsədə çata bildimmi onu oxucularım deyəcək.”
Müəllif kitabı yazmağa onu həvəsləndirən nənəsinə, kitabın rəyçilərinə, xüsusilə də elmi redaktoru gürcü filologiyası üzrə mütəxəssis, ədəbiyyatşünas, tərcüməçi Oqtay Kazımova minnətdalığını bildirir: “ Oqtay müəllimin, işinin çoxluğuna rəğmən sona kimi yazımı oxuyub tövsiylərini verməsi mənim üçün olduqca sevindirici idi”.
Kitab gürcü dili ilə maraqlanan şəxslər, Qafqazşünaslıq ixtisasında təhsil alan və ya bu sahəyə həvəsi olanlar üçün nəzərdə tutulub. Tezliklə “Gürcü dili” kitabını satışda olacaq.
