Седакъет Керимова : СА ХАХАДИЗ
КУЛЬТУРА
Ethnoglobus.Az
Седакъет Керимова
Пагьливандин ухшар авай
Са кас чида заз, дустар.
Рех ягъана, яшар хьанвай,
Ам фигъилрин я устIар.
Зун акурла кьве къат хьана,
Икрам ийиз рахада.
Зи гуьгъуьна ягьанатиз,
Айгьамарда явада.
Герен-герен жуванбурал
«Кьил чIугвада» миресди.
Мез-гъвел ийиз вичин саягъ,
Гаф хкудда сересдиз.
Зи крарихъ рехне кутаз,
Ам къапарай акъатда.
«Рахаз тахьуй адав» лугьуз,
Кагьулривни агатда.
Тавур крар илитIиз зал,
Жеда а кас гьавалат.
Низ акур тир ихьтин ламатI,
И жуьредин аламат?
Лугьуда хьи, зи кар «шиир
кхьиз, виле сухун я.
Межлисрал, алаз-алачиз
Дидед чIалал рахун я.
Вучда «Самур» газетдикай?
Ам кIевирун герек я.
Вучда адан манийрикай?
Чаз кIанзавайд эрекь я!»
ТIуьн-хъун гана захавилив,
Агудда икI къанатIар.
Са дишегьли виляй вегьиз,
КIватIда чIехи къуватар.
Эллериз чав чукIуриз ам,
Ава кьарай атIана.
Пехилвили алугайди
Пехъи жеда датIана.
Илгьамдикай пай авачир,
Къелемдивай яргъалди,
Вучиз икьван ягьсуз ятIа,
Вучиз икьван ягъалди?
Вичиз итим лугьузвайда
Вечре хьиз чил чалзава.
Хайибурун ара ягъаз,
Усалвилихъ ялзава.
Ава ам икI, гьалчиз къванер
Са мег рехи дидедал.
КIан хьайила илитI жеда
ЧIулав рангни живедал.
Буйругъ кьилиз акъудзава
Ада чIехи хахадин,
Кьилиз акьул мус къветIада
И кьам яцIу «дахадин»?
Ссылки по теме:
İRAN AZƏRBAYCANIN DAXİLİ İŞLƏRİNƏ QARIŞMAQ ÜÇÜN FÜRSƏT GÖZLƏYİRMİŞ
UDI AND ALBANIAN CHURCH IN MULTICULTURAL ENVIRONMENT OF AZERBAIJAN
«Так и не узнали, как влюбились, любя…»: презентация поэтического сборника Гажара Шамиля в Баку как событие, соединяющее судьбы и культуры
Li Bakûyê roja îmzeyê ya Hejarê Şamil hat lidarxistin
Бадрское соглашение создаёт новый механизм сотрудничества между Турцией, Катаром, Пакистаном и Индонезией
Kesayetiya mezin û pîr, Ahmedê Hepo!
İslam Respublikası ilə müharibə etmək əvəzinə, hakimiyyət uğrunda müharibə gedir
Британская разведка предупреждает об усилении гибридных угроз со стороны Ирана и России
Читайте также:
“Самурдин” 30 йис жезва
Седакьет КЕРИМОВА: ИТИМ
Расул Гьамзатова икрам авунай
ТIигьиржалви шаир
Чи чIалан куьгьне къатар
ЕТИМ ЭМИНАН ГУЬМБЕТ ХКАЖАЙ ЮГЪ
ТАВАТАР МАНИЙРИН МЕЛЕ
Самед Вургъунан "Азербайжан" шиир лезги чIалаз
«ЛЕЗГИ РУШ» ХАЛКЬДИН МАНИДИН ГАФАР
«КОХИ НАВРУЗ» – СОВРЕМЕННОЕ ТУРИСТИЧЕСКОЕ ЧУДО ТАДЖИКИСТАНА
SÜLEYMAN STALSKİ "DƏRƏYƏ SU GƏLDİ DEYƏ"-СТIАЛ СУЛЕЙМАН "КlАМУ САДРА СЕЛНА ЛУГЬУЗ"
9 Ава- День уничтожения Бейт Микдош
Лезгинские пословицы
Согдийцы и хорезмийцы - иранские оседлые народы доисламской Центральной Азии
Ramiz Qusarçaylı: Qusarım
Этномузыкадин проект
