Fələstin Dövlətinin Azərbaycandakı səfirliyinin Mətbuat Açıqlaması

Fələstin Dövlətinin Azərbaycandakı Səfirliyi Fələstin Prezident Administrasiyasının verdiyi bəyanata istinad edir və aşağıdakıları çatdırır:

Fələstin Prezident Administrasiyası İsrail parlamenti Knesset tərəfindən 

Fələstin məhbuslarının edamına imkan verən qanunun təsdiqlənməsini qətiyyətlə

 pisləyir və bunu beynəlxalq humanitar hüququn açıq pozuntusu kimi qiymətləndirir.

Bazar ertəsi günü verilmiş bəyanatda Prezident Administrasiyası qeyd edir ki, bu qanun

 Dördüncü Cenevrə Konvensiyasının, xüsusilə fərdlərin qorunması və ədalətli məhkəmə 

təminatları ilə bağlı öhdəliklərin açıq pozuntusudur, həmçinin Mülki və siyasi hüquqlar haqqında

 Beynəlxalq Paktın da pozulmasıdır.

Prezident Administrasiyası vurğulayır ki, bu qanun Fələstin xalqına qarşı müharibə 

cinayətidir və Qəzza zolağı, İordan çayının qərb sahili və Şərqi Qüds də daxil 

olmaqla işğal altındakı Fələstin ərazilərində İsrailin getdikcə artan siyasət və 

tədbirlərinin daha geniş kontekstinə daxildir.

Bəyanatda qeyd edilir ki, bu cür qanun və tədbirlər Fələstin xalqının iradəsini qırmayacaq, 

onların əzmini zəiflətməyəcək və azadlıq, müstəqillik uğrunda, Şərqi Qüdsü paytaxt olaraq 

qəbul edən müstəqil Fələstin dövlətinin qurulması istiqamətində qanuni mübarizələrini 

davam etdirməkdən çəkindirməyəcək.

Prezident Administrasiyası həmçinin İsraili Fələstin məhbuslarının edamını mümkün 

edən qanundan imtina etməyə çağıran bir sıra Avropa ölkələrinin bəyanatını alqışlamış 

və bu mövqenin beynəlxalq hüquq prinsiplərinə uyğun olduğunu qeyd etmişdir.

O, beynəlxalq ictimaiyyəti bu pozuntuları dayandırmaq, İsraili məsuliyyətə cəlb 

etmək və Fələstin xalqına qarşı 

davam edən cinayətlərinə, o cümlədən işgəncə, təcrid və həbsxanalarda məhbusların sistemli 

öldürülməsinə görə sanksiyalar tətbiq etmək üzrə hüquqi 

və humanitar öhdəliklərini yerinə yetirməyə çağırır.

Prezident Administrasiyası həmçinin bu cür irqçi qanunların təhlükəli 

nəticələrindən xəbərdar edib, onların gərginliyi artıraraq bölgədə təhlükəsizlik

 və sabitlik perspektivlərini təhdid edə biləcəyini bildirib. Fələstinli məhbuslar 

məsələsinin prioritetlərinin başında qalacağını bir daha təsdiqləyərək, onların qorunmasını, 

azadlığa buraxılmasını təmin etmək və onlara qarşı cinayətlərdə məsul olanların məsuliyyətə 

cəlb edilməsi üçün bütün beynəlxalq səviyyələrdə işləməyə davam ediləcəyi vurğulayıb.