İRAN TERROR AKTINDAN SONRA AZƏRBAYCANA QARŞI İDEOLOJİ FƏALİYYƏTİNİ GENİŞLƏNDİRİR

Vidadi Mustafayev

Tehranda 27 yanvar 2023-cü il tarixində Azərbaycan səfirliyinə qarşı terror aktından sonra İran rəsmən terroru şəxsi münasibətlər səviyyəsində baş verən adi bir hadisə adlandıraraq ondan Azərbaycana qarşı ideolji fəaliyyətində maksimum istifadə etməyə çalışır.

İran İkinci Qarabağ müharibəsində Azərbaycanın qələbəsi və onun nəticəsində regionda meydana gələn yeni geosiyasi reallığı qəbul edə bilmədiyindən, məlum olduğu kimi, Azərbaycan qarşısında Ermənistanın ərazi bütövlüyü və geosiyasi vəziyyətlə bağlı qırmızı xətlər cızmağa başlamışdı. İranın yeni dövrdə yeni Azərbaycana qarşı pozucu siyasəti Cənubi azərbaycanlıların və rejimə müxalif olan dairələrin narazılığına səbəb olurdu.İranın bütün  təxribat xarakterli ideoloji təbliğat fəaliyyətinə baxmayaraq iki qonşu ölkə arasında gərginliyin İran tərəfindən yaradıldığı aşkar özünü göstərirdi.

İran hakimiyyəti iki ölkə arasında yaranmış gərgin münasibətlərdə günahkar imicindən xilas olmaq üçün qeyd edilən terrora əl atdı və dərhal da terror aktını adi bir münaqişənin nəticəsi kimi göstərmək yolu tutdu. Həmin vaxtdan başlayaraq Azərbaycanın öz səfirliyi və vətəndaşlarının təhlükəsizliyi ilə bağlı addımlarını ikitərəfli münasibətlərin gərginləşdirilməsinə yönəlmiş siyasət kimi dəyərləndirməyə başladı.İranın Azərbaycana qarşı,  hələlik,  iki əsas iddiası;Azərbaycanın terror aktını terror adlandırması və səfirliyinin təxliyyəsini həyata keçirməsi ilə bağıldır.

İran rəsmiləri ikiüzlülük edərək, terror aktının məqsədinə əks olan meyl nümayiş etdirərək terrorun “ikitərəfli  münasibətlərə mənfi təsir göstərməməsinə çalışmaq”  lazım olduğunu vurğulamışlar.

Baş vermiş terror aktı ilə bağlı bəzi hadisələri xronoloji ardıcıllıqla nəzərdən keçirmək olar. 28 yanvar 2023-cü il tarixində Cənubi Azərbaycandan olan deputatlardan iki nəfər yuxarıda deyilən fikri, terror aktının iki tərəfli münasibətlərə mənfi təsir göstərməyəcəyini arzu edərək,hətta hadisələrin həmin istiqamətdə inkişaf edəcəyinə  inandıqlarnı vurğulayırlar.

Eyni zamanda İranda artıq  Azərbaycanın səfirliyi boşaldacağı haqqında yayılan məlumatı şərh edərək, onun arxasında başqa məqsədin olacağından danışımağa başlanır.Hətta Azərbaycanı bundan əvvəl İrana qarşı təxribatlarda ittiham etməyə təşəbbüs edilir

İran Qərb ölkələrinin terror aktını pisləməsindən narahatlıq ifadə edir

Azərbaycana qarşı qərəzli yazıları ilə tanınan müəlliflərdən biri geniş bir yazı ilə çıxış edərək Türkiyə rəsmilərinin terror aktını pisləməsini “qərəzli davranış” adlandırır.  Fürsətdən istifadə edərək Azərbaycanı ona aid olmayan məsələlərdə ittiham etməyə çalışaraq, Azərbaycanın xarici siyasətinin bir sıra qərəzli hesab etdiyi addımlarını  sadalayır:

Zəngzur dəhlizinin yaradılmasının İran və Ermənstan üçün təhlükələri, Bakının İsrail, təkfirçi və vahabilərlə əlaqələrini gücləndirməsi, İsrailin Azərbaycandan  İrana qarşı dəfələrlə terror əməliyyatları keçirməsi, NATO-nun Azərbaycanda  mövcudluğu, Azərbaycan hökumətinin şiəlikdən uzaqlaşmaq və anti-İran dini, mədəni   tədbirləri.

Müəllif Azərbaycan səfirinin İran xin ilə söhbətində terroru terror adlandırmasına etiraz edir.Müəllif böhtanlarını davam etdirərək Azərbaycanın müstəqil xarici siyasət yeritməsini inkar etməyə çalışır.

Müəllif İranda qatı anti Azərbaycan mövqeyində duran qüvvələrin mövqeyini  açıq şəkildə  bəyan edir.Guya Azərbaycan  Ermənstanın Sünik vilayətini işğal edərək İran- Ermənistan sərhədini bağlamaq istəyirdi. İranı tranzit  imkanından məhrum etmək üçün NATO –nun Turan dəhlzi yaratmağa çalışır.Bununla, türkofobiyasının ən yüksək səviyyədə olduğunu və ədəbsizliyini gizlətməyən müəllifə görə qondarma türk dövlətləri İranı mühasirəyə  almaq istəyir.

Müəllif İranın deyil, Ermənistanın xəyali maraqlarının ifadəçisi kimi çıxış edərək, onun ideolqlarının iftiralarını olduğu kimi təkrar edir.Yazır ki, Bakı Laçın yolunu bağlayaraq Artsaxda 120 min ermənini mühasirədə saxlayaraq həyatlarını təhlükəyə salmışdır

Böhtan və iftiraların sərhədi yoxdur.Müəllif Azərbaycanın İranda rejimə qarşı iğtişaşlara müdaxilə etməsi,Bakının vahabi terrorçuların İranda iğtişaşlar zamanı  cinayətdə iştirak etməsi kimi sərsəm fikirlər söyləməkdən çəkinmir.

Müəllif öz yazısında Azərbaycan  Xüsusi xidmət orqanları üçün lazım olan yarı doğru-yarı böhtan  məlumat qeyd edir.

Müəllif İranın Azərbaycanda güclü  “İslam İnqilabının ideal və məqsədlərinə(oxu İran rejiminin maraqlarına-v.m.) sadiq  “Hüseynçilər”in bütün təzyiq və təhdidlərə baxmayaraq,  İranın iqtisadi, siyasi, təhlükəsizlik və hərbi maraqlarına xidmət etdyini,  Azərbaycan  hökumətinə, eləcə də onun İsrail, Türkiyə və İngiltərə ilə əlaqələrinə qarşı mübarizə apardığını vurğulayır..

 29  yanvar 2023

 Sepah özünün gənclər və ehtiyat hissəsi hesab olunan Bəsic təşkilatının Tələbə müqavimət bəsic qurumunun Cənubi Azərbaycan tələbə şöbələrinin birgə bəyanatının hazırlanması və  yayılmasını təşkil etdi. Altı maddəlik bəyanatı 4 Cənubi Azərbaycan vilayət( Şərqi Azərbaycan,Qərbi Azərbaycan,Ərdəbil,Zəncan)  ilə yanaşı inqilab ixracının konkret istiqamətini əks etdirən Qafqaz  ( ilk növbədə Azərbaycan Respublikası) regional  şöbəsi imzalamaşdır.

Bəyanatda tələblərin deyil, Sepahın mövqeyi öz əksini tapmışdır.Çünki tələbələrin,xüsusən də Cənubi Azərbaycan tələbələrinin klerikal və şovinist dini\millətçi  rejimə münasibətinin mahiyyətini və real məzmununu həmin rejimə  qarşı 5-ci aydır davam edən etiraz aksiyalarında ən geniş və fəal şəkildə iştirakı göstərmişdir.

Bəyanatdan bəzi məqamları nəzərə çatdırmaq yersiz olmazdı.

Bəyanatda qətlə yetirilən Azərbaycan səfirliyinin mühafizə xidmətnin rəisi “azəri qardaşardan biri”kimi qeyd edilir.

Sepah bəyanatda hadisə haqqında  hakimiyyətin, daha doğrusu, özünün icra hakimiyyətinə qəbul etdirdiyi versiyanı-şəxsi münasibət zəmini-  təkrar edir.

Bəyanatda səfirliyə qarşı ittiham- guya terroristəin müraciətlərinə cavab verməmısi- irəli sürülür.

Bəyanatda Sepahın  öz terror əməlinə bəraət qazandırmağa çalışması öz əksini tapmışdır.  Guya Azərbaycan vətəndaşı da İranda iğtişaşlar zamanı terror aktında iştirak edib,lakin  İran  buna reaksiya göstərməmişdir.

Bəyanatda Azərbaycan mediasının terror aktına qarşı geniş reaksiyasının obyektiv əsası qəsdən unudulur və   media qərəzlilikdə  ittiham edilir, hətta fantaziyalarının sərhədlərini  aradan qaldıraraq    iranlılarda belə bir fikr yaratmağa çalışılır ki, guya    media artıq bu hadisəyə hazır imiş. Bəyanatda Azərbaycan media təhlillərində sepahın iştirakçı və təşkilatçı kimi  qeyd edilməsi xüsusi narazılıq yaratdığı qeyd edilir. Bəyanatda Azərbaycanda terrorla bağlı sepaha qarşı şübhələrin dilə gətirilməsi Avropa İttifaqı ilə əlaqəli şəkildə baş verdiyi iddia edilir.Çünki Avropa İttifaqında sepahın terrorist təşkilat elan edilməsi  istiqamətində fəaliyyət davam edir.

Terror aktı bəyanat tərtibçilərinə Azərbaycana qarşı  daha çox iftira və böhtan deməyə fürsət yaradır. İddia olunur ki , son dövrlər ərzində İŞİD terror qruplaşmasının üzvləri sionist rejimin dəstəyi ilə Azərbaycana köçürülüb, halbuki İran onların regionda mövcudluğunun əleyhinədir və Azərbaycan hökumətinə dəfələrlə lazımi xəbərdarlıqlar edib!

Sepah daha qabağa gedərək Azərbaycanın az qala  terrorla məşğul olmaqda ittiham etməyə cəhd edir… Bəyanatda iddia olunur ki,Şiraz şəhərində”Şahçırağa( dini məkan-v.m.) hücumu planlaşdıran  və idarə edənin  Bakıdan gəldiyi”sübut olunub.Bəyanatda Azərbaycan mediasının terrora qarşı  fəaliyyətindən İranın məqsədlərini əsaslandırmağa belə cəhd göstərildiyi aydın görünür.Bəyanatda deyilir:”Ehtimal olunur ki, bu təbliğat sələfi və terroristlərin və sionistlərin Azərbaycanda omasına haqq qazandırmaq üçündür”.

Bəyanatda İranın Azərbaycanın İsraildə səfirlik  açmasına qarşı çıxdığı və hətta xəbərdarlıq da etdiyi diqqətə çatdırılır.

Bəyanatda ən mühüm  cəhət sepahın İranın Azərbaycanda təşkil  və idarə etdiyi dini qüvvələrin fəalyyətindən məyus olmasının əks olunmasıdır. Ona görə  də bəyanatda onlar İsrailə xidmət etməkdə ittiham olunurlar.

Sepah terroru hansı məqsədlə həyata keçirdiyini pərdələmək üçün terror hadisəsində Azərbaycanı ittiham etməyə cəhd edərək onun  hansısa plalarının oduğuna işarə etməyə çalışır. Sepah terror aktını pisləmək əvəzinə öz  iç üzünü göstərməkdən çəkinmir və “Xəbərdar edir ki, Bakı bu oyundan   əl çəksin”.

Sepahın tələbə bəyanatından belə çıxır ki, terroru təşkil edən İran(sepah) heç bir məqsəd güdməyib,əksinə terrora məruz qalan Azərbaycanın bir çox məqsədi var.Burada qəsdən terrorçu ilə terrora məruz qalan tərəflərin yeri dəyişdirilərək  terrorçunun məqsədləri terrora məruz qalan tərəfin ayağına yazılır

İran prezidenti Azərbaycan prezidentinə telofon zəngində, o cümlədən deyib:” İran və Azərbaycan hökumətləri iki xalqın bədxahlarının təlqinləri ilə aralarındakı münasibətlərin onların təsirinə düşməsinə icazə verməyəcəklər”.

30 yanvar 2023

Yenə də  Azərbaycanın terroru terror adlandırmasına etiraz edilir və dolayısı ilə terror aktında Azərbaycanı ittiham etməyə təşıbbüs edilir.Terror guya ona görə baş verib ki, səfirlik təhlükəsizlik qurğuları ilə təchiz edilməyib.

İran parlamentinin spikeri   İslam Əməkdaşlıq Şurasının  Parlament  İttifaqının iclasında çıxışı zamanı deyib:”Bunun terror məsələsi olduğuna dair heç bir əlamət tapmamışıq”.O,emsional qərarların uzunmüddətli nəticələri barədə xəbərdarlıq edib.

Terror tərəfi hücum\terrorçu mövqeyi tutaraq Azərbaycana qarşı  terroru yumşaq güclə \softpover davam etdirməyə çalışır.

31 yanvar 2023

İranda  Azərbaycan XİN-in öz vətəndaşlarına   İrana səfərlə bağlı müraciətini ikitərəfli  münasibətləri gərginləşdirmək kimi dəyərləndirilir.

Sepahın saytlarından biri terrorun məqsədi ilə bağlı çox maraqlı bir paylaşım edib.Paylaşımda,  o cümlıdən, deyilir ki, terror aktından sonra Bakının  gərginliyi azaldacağı gözlənirdi,lakin belə olmadı.

İranın bir neçə saytında terror hücumundan sonra keçən  4 gün(28-31 yanvar 2023)ərzində  gedən materialların qısa xülasəsi göstərir ki,İran Azərbaycan səfirliynə qarşı siahlı basqından sonra təbliğat və ideoloji terroru davam etdirir.İran tərəfi öz vətəndaşlarını inandırmağa çalışır ki, heç bir terror aktı baş verməyib, şəxsi münaqişə zəminndə  qətl və yaralananlar olmaqla arzu olunmaz hadisə baş verib. Bundan əlavə ikitərəfli münasibətləri daha da gərginləşdirmək məqsədi ilə Azərbaycan səfirliyinə qarşı terror aktı törədən İran  Azərbaycanla əvvəlki əlaqələri qoruyub saxlamağa ciddi səy göstərdiyini, yəni  guya xeyirxah  yanaşma sərgilədiyini  nümayiş etdirir.

İranda belə hesab edirlər ki,Azərbaycan hadisəni terror adlandıraraq İranı qane etməyən addımlar atır.Buradan belə nəticəyə gəlinir ki, Azərbaycan guya iki ölkə arasında gərginliyin artmasında maraqlıdır.Bunu sübut etmək üçün İran ideolqlarının fikrncə Azərbaycanın İran əleyhinə atdığı addımlar sadalanır.Həmin addımlar sırasında Zəngəzur\Turan \NATO-nun Turan dəhlizi açmaq,İsrail  və Qərblə əməkdaşlıq kimi Azərbaycan üçün cox vacib sahələr qeyd edilir.İran tərəfi   eyni zamanda Azərbaycanı ona aid olmayan  addımlar atmaqda ittiham edərək, iftira və böhtanlarını davam etdirir..Bura Azərbaycanın  guya Ermənistan ərazisinin bir hissəsini işğal etməsi, İran-Ermənistan sərhədini bağlamağa çalışması,Laçın dəhlizini bağlayaraq erməiləri mühasirıdə saxlaması,İŞİD terrorçlarını öz ərazisndə  yerləşdirməsi və s. göstərmək olar.

Bütün deyilənlər terror aktının İran hakimiyyəti və  sepah tərəfindən təşkil edildiyini iddia etməyə  tam əsas verir.Çünki terroru təşkil edən tərəf var gücü ilə terrora məruz qalan tərəfə qarşı geniş ideoloji və təbliğat terrorunu planlı şəkildə davam etdirir.İki tərəfli əlaqələri gərginləşdirmək məqsədi ilə terroru təşkil edən İran  dairəlri münasibətlərin gərgiləşməsində bütün vasitələrlə terrora məruz qalmış tərəfi günahlandırmağa çalışır.Başqa sözlə, İran terroru yumşaq güc vasitəsi ilə davam etdirir.