İRANLI MÜƏLLİF:"DƏRİN TƏƏSSÜF DOĞURUR VƏ ÇOX TƏHLÜKƏLİDİR".

İranlı müəllif asriran.com saytında İran parlamentinin Milli Təhlükəsizlik Komissiyasının sədrinin sərsəmləməsinə məhz belə münasibət bildirib.

Sədr ilk baxışda ucuz bloqerlər kimi gündəmdə qalmaq üçün artıq rəsmən  rədd edilmiş fikri bir daha təkrar edib.Əslində isə müəllifin hərtərəfli təhlilinin göstərdiyi kimi, başabəla "SƏDR" İsrail maraqlarına xidmət edərək İranın digər ölkələr, ilk növbədə qonşu ölkələrlə normal münasibətlərinə qarşı mübarizə edir.

Sədr deyib:"İran sərhəd qüvvələrinin sərhədçiləri aydın şəkildə bildirdilər ki, Sionist rejim pua-ları İrana Azərbaycan sərhədindən buraxdılar".

Sonra əlavə edir ki, İran hökuməti bu barədə Azərbaycan rəhbərliyinə müraciət edib.Onlar sənəd, dəlil- sübut tələb ediblər.O deyir ki, sənəd məsələsi ayrıca məsələdir.

Amma bir daha sərhədçilərə istinad edərək deyir ki, sərhədçilər aydın şəkildə dedilər:"Biz orada idik və öz gözlərimizlə gördük ki,İsrail puaları İrana Azərbaycan ərazisindən daxil oldu".

Müəllif yazır ki.İran bütün sərhədini obyektiv nəzarət sistemi ilə təçhiz edib.Guya sədrin bundan xəbəri yoxdur, ona görə sərhədçiləri şahid götürür.

Müəllif istehza ilə deyir ki, sədrə görə sərhədçiləri şahid qismində Bakıya aparmaq kafidir.

Yazıda daha sonra təəssüflə qeyd edilir ki, belə bir yanaşmanı adi vətəndaş sərgiləsə idi, diqqət yetirməmək təbii olardı.Amma vəzifəli şəxsin belə yanaşması dərin təəssüf doğurur.Sonra sədrin mənsub olduğu məhdud ekstremist cərəyanının antimilli məqsədlərindən və davakar davranışından danışarkən onu MİLLİ MARAQLAR ÜÇÜN  BÖYÜK  TƏHLÜKƏ  HESAB EDİR.

Bir daha təkrar etmək olar ki, iranlılar öz problemlərini hamıdan yaxşı bilirlər.