İRAN BAŞINA HARANIN DAŞINI SALSIN?
Foto:vemaps.com
Vidadi Mustafayev
Şimalından Turan( Zəngəzur) dəhlizi açılacaq.Cənubda İstanbul-Hicaz dəmir yolunun(1900-1918-ci ilərdə çəkilib) bərpası planlaşdırılır.Bu layihələr baş tutsa, İran ortada(yetim) qalacaq. Zəngəzur dəhlizini özünün qırmızı xətti elan edib, var gücü ilə ona qarşı əlləşir. Qalır dəmir yolu.Bu yol bərpa olunsa, İran ərəb dünyasından sökülüb atılacaq.
Neynəsin, bir iranlı başbilən deyir ki, gərək qabalayıcı tədbirlər görülsün.Hansı? Açıqlamır, amma aydındır ki, proksi qüvvələri işə salıb qarma-qarşıqlıq yaratmaq istəyir.Amma proksi qüvvələrin də sonu gəlib.İraq dövləti şiə yaraqlılarını tərki silah etməkdə qərarlıdır.Bu halda İran neynəməlidir, heç nə, Qərbin ayağına düşüb sanksiyaları aradan qaldırmağa yalvarmalı. Başbilən deyir ki, İranın istisna bir rejim olmasına son qoyulmalı,dünya iqtisadi sistemindən kənarda qalmaq siyasətindən əl çəkməli, bəlkə onda kimsə İrana investisiya qoymağa razı olar.
Xarici investisiya gəlsə, İran öz nəqliyyat infrastrukturunu inkişaf etdirə bilər və Türkiyə layihəsinə alternativ ola bilər.Bu baş verməsə, İranın günü qaradır ki, qaradır.Bütün sahələrdə disbalans hökm sürür, qaz kəsilir, işıq kəsilir, inflyasiya stabil olaraq artır,həyat səviyyısi daim aşağı düşür. Xalqın dövlətə inam və etibarı, yəni rejimin legitimliyi, getdikcə azalırBütün, başbilən deyir, disbalansın günahkarı da hakimiyyətdir.Nə xarici münasibətləri, nə daxili vəziyyəti yaxşılaşdıra bilir, nə də “Paydari”\sabitlik deyilən radikal müxalif cəbhənin əsas kozırları olan Hicab və internetin bloklanması\filtir məsələsini də həll edə bilmir.
Bu vəziyyətdə olan ölkə Türkiyə ilə necə rəqabət aparacaq? Yalnız mədəni(?) və ideolji ( xalqın gözünə kül üfürmək) rəqabət və daha doğrusu, mübarizə aparmalı olacaq.
Deməli, İran Türkiyə ilə rəqabəti bəri başdan uduzub, çünki bir Sovet multfilmində deyildiyi kimi İran “nepravilnoe” qosudarstvo.
