Azərbaycanca-haputca lüğət dərc olunub

6-11-2023, 12:29
ЭТНОПОЛИТИКА

Azərbaycanca-haputca lüğətin tətibatçısı Əhməd Nəbi oğlu Musayevdir. O, 21 yanvar 1995-ci ildə Quba rayonunun Haput kəndində anadan olub. Kitab “DODO” redaksiyası tərəfindən çap edilib.

Haputlular Qədim Albaniyada 26 dildə danışan tayfalardan biri olan Her tayfasının nümayəndələridirlər. Kompakt olaraq Quba rayonunun Haput, İsmayıllı rayonunun Hacıhətəmli və Mollaisaqlı, Ağdaş rayonunun Haputlı kəndləri və Azərbaycanın digər kənd və şəhərlərində məskunlaşmışlar. Haput dilini qoruyan kəndlər isə Quba rayonunun Haput, İsmayıllı rayonunun Hacıhətəmli və Mollaisaqlı kəndlərində yaşayan haputlulardır.

Bu lüğətdə 2000 dən çox söz toplanılmışdır. Lüğətin toplanılmasına 2 ildən çox vaxt sərf olunmuşdur.

Lüğəti tərtib etməkdə məqsəd haputluların dilinin qoruyub saxlanılmasıdır. Əhməd Musayev sözlərin toplanılmasında göstərdiyi köməkliyə görə hər kəsə minnətdarlığımı bildirib. Lüğətdə olmayan sözlər Azərbaycan dilində olduğu kimi və ya müəyyən hərfləri dəyişməklə işlədilir.

Lüğətdə olan sözlərin toplanılmasında köməklik edənlər:

Eldarov Hacıbaba, Musayev Nəbi, Əlimirzəyev Tahir, Yusifov Səfər, Yusifov Əzizağa, Musayev Əmrulla, Musayev İmam, Musayev Adil, Abdullayev Qüdrət, Məcidov Üzeyir, Abdullayev Zahid, Yusifov Vüqar, Eldarov Şahbaba, Eldarova Zülhiccə, Eldarova Ədilə, Musayeva Sahibə, Musayeva Əfruz, Abdullayeva Firuzə, Yusifova Səbirə, Yusifova Nazagül, Məcidova Əsmər, Musayeva Səbirə, Hacıbalayeva Surayə, Rəfiyeva Süsən və b.

Haput əlifbası

A a		B b	B” b” B”iz (dodaq)	C c	C” c” C”eh” (keçi)	Ç ç
Ç” ç” Ç”ar (tük)		D d	E e	Ə ə	F f	G g
G” g” G”ələg”(dürməg)		Ğ ğ	Ğ” ğ” Ğ”ələ(yaxşı)	H h	H” h” H”ül (göz)	X x
X” x” X”əd (su)		I ı	İ i	J j	K k	K” k” K”əç (yarpız)
Q q	Q” q” Q”al (sıçan)		L l	M n	N n	O o
Ö ö		P p	R r	S s	Ş ş	T t
T” t” T”il (barmaq)		U u	Ü ü	V v	Y y	Z z