" Şaxdağın etnomədəni cəmiyyətləri: keçmiş ilə gələcək arasında" adlı monoqrafiya dərc olunub.
ETHNOGLOBUS.AZ: AMEA-nın Arxeologiya, Etnoqrafiya və Antropologiya İnstitutunun nəzdində fəaliyyət göstərən Antropologiya Mərkəzinin rəhbəri ,tarix elmləri doktoru, professor Əliağa Məmmədlinin Şahdaq xalqlarına həsr olunmuş " Şaxdağın etnomədəni cəmiyyətləri:keçmiş ilə gələcək arasında" adlı monoqrafiyası dərc olunub.
Bu haqda professor Ə.Məmmədli öz facebook səhifəsində məlumat verib:
“Tədqiqatın əsas məqsədi bu xalqlar arasında müasir etnomədəni proseslərin xüsusiyyətlərini araşdırmaq idi. Monoqrafiya bir neçə il ərzində aparılan çöl tədqiqatları, statistik və arxiv materiallarının təhlili əsasında hazırlanıb. Bu monoqrafiyanın hazırlanmasında, çap edilməsində mənə dəstək olan Antropologiya mərkəzinin əməkdaşlarına, İnstitutun rəhbərliyinə, dəyərli məlumatları ilə bölüşən Şahdaq xalqlarının nümayəndələrinə dərin təşəkkürümü bildirirəm”.
