İran:ŞEYTANLARIN İŞİDİR

İranda xordad ayının 14-də\iyunun 4-də SeyidRuhulla Xomeyninin vəfatının(1989) ildönümü münasibəti ilə keçirilən tədbirdə Rəhbər, həmişə olduğu kimi, bu dəfə də çıxış edib.Onun çıxışından əvvəl S.R.Xomeyninin nəvəsi h\i Seyid Həsən Xomeyni çıxış edib.Onun çıxışı zamanı qarmaqarışıqlıq yaranıb və Rəhbərin narazılığına səbəb olub.Həmin hadisəyə münasibət bildirən Məhkəmə Hakimiyyətinin başçısı h\i Möhsün Ejeyi o cümlədən deyib:” İştirakçılardan bir qrup istəmədən ŞEYTANLAR tərəfindən təhrik edildiklərindən, diqqətli olmalıdırlar”.

Bütövlükdə isə iştirakçıları müxtəlif qruplara-şeytanlar tərəfindən təhrik edilənlər, səhlənkarlar və pərdə arxasında duranlara bölən və hadisədə düşmən əli ola bildiyini nəzərə alan Məhkəmə hakimiyyətinin başçısı təhlükəsizlik qüvvələrindən məsələni araşdırmağı və lazımi tədbirlər görməyi tələb edib.

Seyid Həsən Xomeyni İranda o qədər də tanınış siyasi fiqur deyil və hakimiyyət yanında da nüfuz sahibi deyil.Bir dəfə Xübrəqan məclisinə( formal olaraq Rəhbərin fəaliyyətinə nəzarət edən və onu seçən, ruhanilərdən ibarət seçkili orqan olsa da, ictimai-siyasi həyata elə bir təsiri yoxdur) seçilməyib.2021- ci ildə isə Rəhbər XIII prezident seçkilərində iştirak etmək istəyən Seyid Həsən Xomeyniyə öz namizədliyini irəli sürməməyi məsləhət görüb. O da razılaşıb.

Çox güman ki onun çıxışına mənfi münasibət babası Seyid Ruhulla Xomeyni ideallarını davam etdirmək səviyyəsində olmadığına,lakin nəyəsə iddia etməsinə reaksiya olub.Doğurdan da həmin hadisənin düşünülmüş şəkildə təşkil olunduğuna şübhə edilməməılidir və təşkilatçılar yəqin ki, Məhkəmə hakimiyyətinin başçısının göstərdiyi ünvanda axtarılmamalıdır.

Vidadi Mustafayev