“ANAJ” saytının beynəlxalq məsələlər qrupu Azərbaycan Respublikasını Şah İsmayıl Xətaiyə sahib çıxmaq əzmində ittiham edir.
Foto: google
Vidadi Mustafayev
Təbrizdən yayımlanan “ANAJ” saytının beynəlxalq məsələlər qrupu Azərbaycan Respublikasını Şah İsmayıl Xətaiyə sahib çıxmaq əzmində ittiham edir.Bu məsələni panfarsist saytlarından biri qaldırsa idi, heç bir irad irəli sürməyə ehtiyac qalmazdı.Bu Cənubi Azərbaycanın öz milli kimliyini unutmuş və ya digər etnosa mənsub olan, azərbaycanlıların da milli kimliyini unutması yolunda ciddi-cəhd göstərən naməlum müəllif Şimali Azərbaycan tarixçilərini Şah İsmayılı azəri( türk deyə bilmir) və Azərbaycanın görkəmli şəxsiyyəti adlandırmaqda günahlandırır.
Müəllifə bircə məsələni xatırlatmaq yerinə düşər ki, Şimali Azərbaycanda heç kim deməyib və demir ki, Şah İsmayıl Şimali Azərbaycana məxsusdur.Burada sadəcə olaraq tarixi həqiqəti deyirlər ki, Şah İsmayıl azərbaycanlı (türk) idi, Azərbaycan(türk ) dövləti yaradıb, yəni Azərbaycanın ən görkəmli tarixi və mədəniyyət sahəsində fəaliyyət göstərmiş şəxsiyyətlərindən biri idi.
Şah İsmayıl Təbrizdə özünü Azərbaycan hökmdarı elan edəndən sonra Azərbaycanı sonra da indiki İranı və ona qonşu əraziləri öz hakimiyyəti altında birləşdirib.Bu tarixi həqiqəti əks etdirən fikrin nəyinə etiraz etmək olar.Bəlkə Cənubi Azərbaycan saytının panfarsist yazarına xoş gəlmək üçün tarixi həqiqəti inkar edərək onun azərbaycanlı yox, fars olduğunu, azərbaycanlıların deyil farsların tarixi şəxsiyyəti olduğunu və farslar üçün dövlət yaratdığını bəyan etmək lazımdır.
Çox qəribədir ki, İranda Azərbaycana məxsus tarixi şəxsiyyətləri,alim və ədibləri azərbaycanlı, Azərbaycanın görkəmli şəxsiyyətləri adlandırmaq onlara zorla sahib çıxmaq hesab edilir.Belə məntiqsizlik panfarsistlər və onlara xidmət edən, öz milli kimliyinin düşməni olanlar üçün adi haldır.\\ 7 iyun 2019\\
