Pulu necə cəlb etməli və saxlamalı?

Pul - hər bir insan üçün çox şey deməkdir. Pulu necə cəlb etməli və saxlamalı? 

Foto: www.zolotoy-zapas.ru

Pul Allahdan gələn enerjidir. Başqa sözlə, pul (həmçinin bütün sərvət) Allahdan gəlir. Amma Allah onları “qeyri-bərabər” paylayır (insanlar belə düşünür) - bəzilərinə çox verir (“pulda üzürlər”), bəziləri isə yoxsulluq içində yaşayır (pulu ayın bu başından o başına güclə çatdırır). Hansı düşüncələr və hansı hərəkətlər pulun belə “paylanmasına” səbəb olur?

Pulun “qeyri-bərabər paylanmasının” birinci və əsas səbəbi karmadır. Karma bizim keçmiş təcəssümlərdə yaratdıqlarımızdır (yəni, uzun illər ərzində deməkdir). Bizim indiki maddi durumumuz bu illər ərzində yaranmışların (əsasən pulla bağlı cinayətlər və sələmçilik) ekvivalentidir. Buna görə də, pulla əlaqədar olaraq, maddi vəziyyətin pis olması səbəbindən yaranan stressdən, kifayət qədər pulu olan insanlara həsəd və nifrətdən, inciklik və ədalətsizlik hissindən, daxili qəzəbdən, taleyə qarşı inciklikdən və s. yaxa qurtarmaq  və maddi problemlərinizin səbəblərini axtarmaq, yaxşı və xeyirxah əməllər görmək, pozitiv və düzgün düşünmək, pul mövzusu ilə bağlı materialları oxumaq (bu mövzuda materialları İnternetdə tapmaq mümkündür), karmanı təmizləmək və dəyişmək lazımdır. Qeyd etmək lazımdır ki, belə insanlara həddən artıq yazığı gəlmək yanlış yanaşmadır. Belə ki, bu insanlar keçmiş həyatlarında başqalarının pulunu alıb talamaqla, pul naminə cinayət törətməklə, pul üçün başqalarını öldürməklə, kasıbı alçaltmaqla, pulu öz şəxsi məqsədləri üçün istifadə etməklə, varlılar haqqında pis danışmaqla və s. öz yoxsulluqlarını yaratmışlar Bununla belə, ehtiyacı olan insanlara kömək etmək yaxşı karmanın yığılmasına kömək edir. 

Lakin karma həmişə maddi problemlərin səbəbi deyil. Pulun "qeyri-bərabər paylanmasının" ikinci səbəbi, Ruhun inkişafı üçün təcəssümündən əvvəl ona verilən proqramdır. Bu proqramın icrası məcburidir və o, yalnız bu ruh üçün nəzərdə tutulub. Ruh, inkişafını sürətləndirmək üçün, təcəssümündən əvvəl bütün təzahürləri ilə yoxsul bir həyat seçə bilər (yəqin ki, burada "qeyri-bərabər paylanma" haqqında danışa bilmərik). Lakin maddi dünyada təcəssüm olmuş Ruh bunu xatırlamır və onda sonradan mənfi karmanın yığılmasına və ya yaxşı karmanın istehlakına səbəb ola biləcək nifrət və narazılıq yaranır. Bu halda insan nə Allahdan və nə də taleyindən inciməməli, hər cür narazılıqdan, ittiham və şikayətlərdən yaxa qurtarmalı, günahkar axtarmamalı və s., mütləq səbəbləri axtarmaq lazımdır (materialları oxuyub parapsixoloqlarla əlaqə saxlamalıdır).

Pul olmamasının üçüncü səbəbi yanlış düşüncələr və davranışlardır (yaxud karma yaxşıdır və təcəssüm proqramında bütün təzahürləri ilə yoxsul həyat yoxdur). Bu davranış və düşüncələrin mühüm olanlarından bəzilərinə nəzər salaq.

 Ilk öncə sadəcə sərvət və böyük pul istəmək olmaz. Çünki böyük pullar həmişə Şeytandan gəlir. O, insanlara böyük sərvət bəxş etməklə onların ruhunu satın alır. Ruhun transformasiyasının (Şeytanın dünyasına meyllənməsinin) qarşısını almaq üçün sərvət istəmək (zəhmətsiz çox pula sahib olmağı istəmək) pul axınının qarşısını alır. Belə bir istək yerinə yetirilə bilməz, çünki yalnız təkamül xarakterli (inkişafa  gətirib çıxaran) və düzgün (və ya təcili) ehtiyaclar yerinə yetirilir, lakin böyük pula sahib olmaq arzusu həmişə təcavüzü nəzərdə tutur - başqaları üzərində hakimiyyət, təkəbbür, qürur və s.

 Pul yoxluğunun başqa bir səbəbi də şüuraltı aqressiyadır (insanın görmədiyi və anlamadığı aqressiya). İnsan ləyaqətini sual altına alan, təhqir edən və alçaldan hər şey, başqalarını qınamaq və tənqid etmək, nəyəsə sahib olmaq istəyi, pul, zəka, intellekt, imic, ideallar, səxavət, karyera, azadlıq, münasibətlər kimi asılılıqlar, həmçinin hər hansı digər asılılıqlar - sevilən şəxs, ailə, iş, ev, əşyalar və s., ətrafdakılardan narazılıq, günahkar axtarmaq və şüuraltı aqressiyanın digər növləri pulun olmamasına səbəb olur. Çünki istənilən asılılıq və hər hansı qınaq insanda şüuraltı aqressiya yaranmasına səbəb olur.

Yoxsulluq və pulsuz qalmaq qorxusu pul gəlməsinin qabağını alır. Çünki hər hansı bir qorxu insanı Allahdan ayırır, uzaqlaşdırır və onu şeytana tərəf çəkir. Maddi şeylərdən yapışan insan unudur ki, Allah həmişə onun qayğısına qalır, ona kömək edir. Allahın bizi yedizdirdiyinə, bizə mütləq “gündəlik çörəyimizi” verəcəyinə inamının olmaması ilə pul da yox olacaq. Allaha təvəkkül edən insan həmişə pulu özünə cəlb edir. Çünki Allaha təvəkkül edən insanın ruhu kamilləşir.

Bu o deməkdir ki, pula sahib olmaq üçün mütləq pulla bağlı hər hansı bir qorxuya qalib gəlmək lazımdır.

Davamlı olaraq diqqəti pis və mənfi şeylərə yönəltmək arzuolunmaz şeylərin azalmaq əvəzinə, əksinə, artmasına səbəb olur. İnsanların çoxu diqqətlərini pis (arzuolunmaz) şeylər üzərində cəmləşdirir, yəni, daim pul qıtlığı, pulun olmaması, yoxsulluq, yaşamağın nə qədər pis və çətin olması, hər şeyin nə qədər bahalı olması, pul qazanmağın nə qədər çətin olması və s. haqqında düşünmək. Çünki enerji fikrin ardınca gedir. Bu o deməkdir ki, siz daim “pul yoxdur” ifadəsini və pulla əlaqəli bütün digər “yox” ifadələrini işlədə bilməzsiniz. Bu, pulun olmamasına gətirib çıxarır.

Pulun olmamasının səbəbi eqoizm də ola bilər - az işləmək, minimum səy göstərmək, asan işlə məşğul olmaq və s. və maksimum miqdarda pul qazanmaq. Əgər belə deyilsə, o zaman insanda narazılıq, inciklik, qınama və s. kimi hislər yaranır. Yuxarıda qeyd edildiyi kimi, hər hansı bir mənfi enerji pulun sızması və ya tıxanmasıdır. Bu, insanın şüuraltı (həm də şüurlu) aqressiyasının bədəlini pulla ödədiyini göstərir. Belə bir faktı da nəzərdən qaçırmaq olmaz. Yuxarıda qeyd edildiyi kimi, qazanılmamış böyük pullar həmişə seytandan gəlir. Adətən əmək insanın aldığı pulun ekvivalentidir. Əgər pul insan tərəfindən qazanılmayıbsa, o zaman ona dağıdıcı təsir göstərməyə başlayır və Ruh transformasiya (mənfi istiqamətdə) etməyə, regeneresiyaya başlayır. Ona görə də pulu qazanmaq lazımdır, əks halda pul Allah tərəfindən bloklanacaq.

Pulun yoxluğunun səbəblərindən biri də insanın pul istəmək istəməməsidir. Bir insan pul istəmək istəmirsə, bu, insanın qürurunu göstərir. İnsan pul istəyəndə qürurunu ayaq altına qoyur və bununla da ruhunu təmizləyir. Pul istəyə bilməyən insan verməyi və könüllü kömək etməyi də bilmir.

Xəsislik də pul yoxluğu yaradır. İnsan lazım olan şeyləri, ərzaq məhsullarını almır, qənaət edir. Ona elə gəlir ki, əgər bəzi şeyləri və ərzaq məhsullarını almasa (onun fikrincə, bunlarsız da keçinmək olar) o, özünü bu ərzaq məhsullarından və şeylərdən məhrum edərək, pulla bağlı problemlərin ortaya çıxmasına imkan verdiyini bilmədən tədricən pul yığacaq, hətta bəlkə “zənginləşəcək” də. İsrafçılıq da pul yoxluğuna səbəb olur. Buna görə də, həmişə rusların dediyi kimi, "qızıl ortaya" sadiq qalaraq bazarlıq eləməlisiniz.

Donmuş və hərəkətsiz enerji də pul yoxluğunun səbəblərindən biridir. Bunlar köhnə və istifadə olunmayan şeylərdə və ya konkret şeylərdə toplanmış enerjidir, çünki pul hərəkət olan enerjidir. Əgər insan köhnə əşyaları yeniləri ilə dəyişmək (yaxud yeni şeylər almaq üçün pul xərcləmək istəmirsə) və ya hansısa bir yolla köhnə əşyalardan xilas olmaq iqtidarında deyilsə, o zaman onun pulu olmayacaq. Əgər insan şeyləri sevmirsə, pul da yoxdur, çünki yeni şeylər əldə etməklə insan pulu hərəkətə gətirir və eyni zamanda özü də inkişaf edir.

Pul yoxluğunun başqa bir səbəbi də pulu sadəcə yığmaq üçün yığmaqdır (insan bir şey almır, kifayət qədər yemir və s.). Pulun yığım məqsədi yoxdursa, bu, pul yoxluğuna səbəb olacaq. Artıq qeyd edildiyi kimi, pul hərəkətdə olan enerjidir. İnsan pul yığmaqla pul bataqlığı yaradır ki, bu da sonda onun yoxluğuna gətirib çıxarır. (problemlər, xəstəliklər və s. yaranacaq və siz onu xərcləməli olacaqsınız).

Borcluları bağışlaya bilməmək də pul yoxluğunun səbəblərindən biridir. Pulu bölüşmək vaxtı gəldikdə (pul şəklində ifadə olunan İlahi enerjini), karmik borcları ödəmək vaxtıdır və şəxsdən pul istənilir. Əgər tələb olunan məbləğ əhəmiyyətsizdirsə və istəyən şəxs vicdanlıdırsa, o zaman fikirləşmədən pulu verə bilərsiniz. Ancaq məbləğ kifayət qədər böyükdürsə və istəyən şəxs borcunu mütləq ödəyəcəyinə and içirsə, bu barədə düşünmək lazımdır, çünki keçmişin neqativ karması ilə qarşılaşacağıq (nə cür insan olmasından asılı olmayaraq - layiqli, dürüst və ya əksinə) və pulun geri qaytarılmaması mümkündür. Buna görə də həmişəlik ayrılmağa razı olduğunuz bir məbləği, başqa sözlə, borcunu ödəməmiş bir insanı bağışlaya biləcəyiniz bir məbləği vermək lazımdır. Unutmamalıyıq ki, borcluları bağışlamaq vacibdir, çünki bu borcun səbəbi keçmiş həyatlardakı bu insana olan borcumuz, pul bağlılığı və ya xəsislikdir. Borcu tələbi etmək yalnız karmanı ağırlaşdırır. Pul axınına mane olmamaq üçün borcları bağışlamaq daha yaxşıdır. "Atamız" duasında ("Отче наш" – məşhur xristian duası)  deyildiyi kimi - "... və biz borclarımızı bağışladığımız kimi, bizim də borclarımızı bağışla".

"Heç vaxt borc almamaq" (pul almaq istəməmək və ya borc qorxusu) bağlılığı da pul yoxluğuna səbəb olur. Pul borc almaq ola bilər (belə ki karmik borclar olması mümkündür), lakin borc götürərkən (həmçinin kreditlər alarkən), xüsusən də əhəmiyyətli dərəcədə böyük məbləğdə borc götürərkən borcu ödəmək üçün sabit (və ya ən azı bir qədər) gəlirin, əmlakın və s. olması lazımdır, əks halda bu və gələcək həyatınızda ödəməli olacağınız pis karma və karmik borc yarana bilər.

İnsanın dilinə gətirdikləri də də böyük gücə malikdir (o qədər güclüdür ki, hətta DNT-yə də təsir edə bilər). Bu o deməkdir ki, sözləri dilə gətirərkən diqqətli olmaq və hər bir sözü tələffüz etməzdən əvvəl yaxşıca ölçüb-biçmək lazımdır. Adətən insanlar hər bir deyilən sözün başqalarının və ilk növbədə insanın özünün şüuraltısını proqramladığını unuduraraq ən çox (ucadan və ya fikrinizdə) "gərək" sözünü (ən çox başqalarına ünvanlanan) işlədirlər. Bizim ən mühüm və birinci vəzifəmiz Allaha və Ruha yönəlmişdir və hər birimizin nə eləməyə borclu olduğumuzu yalnız Allah bilir. Başqasını vəzifəsini yerinə yetirməməsi ilə bağlı mühakimə edən bir insan (onun fikrincə), mənfi enerji yaradır, bu da sonradan pul itkisinə (və gələcək həyatda yoxluğuna) çevrilir. Ona görə də bu söz ancaq Allaha və Ruha münasibətdə işlənə bilər. Maddi dünyadaki insanlara münasibətdə isə “gərək” əvəzinə “istəyirəm”, “bacarıram”, “tələb olunur”, “seçirəm” sözlərindən istifadə etmək daha yaxşı olar.

Qiymətlərlə bağlı qəzəblənmək, satıcıları günahlandırmaq, ucuz şey və ya məhsul axtarmaq, çox seçib axtarmaq, “sonuna qədər” sövdələşmək və s. pulu uzaqlaşdırır və pul yoxluğuna səbəb olur.

Davamlı pulsuz qalmaq qorxusu (yoxsulluq qorxusu) pul yoxluğuna gətirib çıxarır. Çünki insan unudur ki, Allah həmişə onun qayğısına qalır. Qorxu həmişə Allaha inamsızlıqdır. Incili xatırlayaq - "...quşlar kimi yaşayın". Pulsuz qalmamaq üçün əsas olan  qorxuya - bu zəhərli hissə qalib gəlməkdir.

Pul üçün işləmək və ya pul qazanmaq üçün işləmək də pul yoxluğunun səbəblərindən biridir. İnsan işləmək üçün doğulur. Hətta ibtidai insan yeməyini əldə etmək üçün “işləyirdi”. İş olmadan insan mövcud ola bilməz (enerji hərəkətdə olmalıdır). İnsan məhsuldar və yaradıcılıqla, sevgi ilə, sevinclə işləməli, işindən razı qalmalı, ona verdiyi iş üçün Allaha şükür etməlidir, çünki hər iş üçün enerji Allahdan gəlir. Pulu biz qazanırıq deyə yanlış bir fikir mövcuddur. Unutmamalıyıq ki, pulu biz “qazanmırıq”, onu bizə Allah verir. Buna görə də, "qazanılan" hər şey üçün Allaha şükür etmək lazımdır.

Əgər insanın gələcəkdə pulu  olduğu halda xarakteri dəyişə bilərsə, pisləşə bilərsə (qürurlu, aqressiv, vicdansız, təkəbbürlü, eqoist, özündən razı, tamahkar, lovğa və s.), o halda çox vaxt pulu yoxdur (Allah pulu kamil olmayan və inkişaf etməmiş insana vermir). Buna görə də, əgər pul yoxdursa, ilk növbədə öz xarakteriniz, düşüncələriniz, niyyətləriniz, istəkləriniz və hisslərinizdən baş çıxartmalı, ezoterik ədəbiyyat oxumalı və öz üzərinizdə işləməli, özünüzü inkişaf etdirməlisiniz.

Hədsiz sevinc, zövq almaq, pula görə ləzzət və kədər, pulun düşünülməmiş israfı, puldan güclü daxili asılılıq, pulla əlaqəli hər hansı bir pis emosiya və stress, borclarınızı ödəməmək, pulun həddindən artıq ideallaşdırılması, pula sahib olmaq üçün hər hansı bir sehrdən istifadə etmək, pula niftər etmək, “qəpiyi saymaq” və s. də pul yoxluğuna səbəb olur.

Pul - güc, şəxsi maddi və mənəvi inkişaf, başqalarına kömək etmək, dünyada inkişafa, onun çiçəklənməsinə dəstək olmaq, gözəl hadisələr, xoşbəxt təbəssümlər, bütün dünyada sülh və daha çox şeylər. Buna görə də öz yoxsulluğunuzun səbəblərini tapmaq və aradan qaldırmaq lazımdır.

Zənginlik və firavanlıq arzusu ilə

               GÜLZAR.