DataLife Engine > Версия для печати

Camal Lələzo

Ğələbə ərməğonı tı bəmə bəxş karde,

Azərboyconi sərboz !

Yurdi şərəfinə nom bə tarıx nəxş karde

Azərboyconi sərboz !

Bətı ğodrət,zu doşe çe yurdi sığ - anquli,

Okarde Hərəboği ə  tilsimə anqıli,

Rost karde yurdi pərçəm bə Şuşə bə çinqili,

Azərboyconi sərboz !

Mubarizon,Hikməton osonə mıştiş boəmə,

Iştı mışti hardə kəs meydono vitə,rəmə,

Deştı ğəmon bə yurdiyolə şərafət omə,

Azərboyconi sərboz !

Həll kardedə Vətəni tale ıştı ğədəmon,

Bətı bovə kardedən,bətı peşte odəmon,

Isə jidəş tı ıştə ən çokə vaxti,dəmon,

Azərboyconi sərboz !

Tırke,tolışe,tate,ləzgi,kurde,avare,

Konco be bəştı yurdi bə koməj,bə havare,

Gəndə baləlion çəmə sipəre,iftixore

Azərboyconi sərboz !

Sa-sa şəhidən bıboş,həzo-həzo bejəş tı !

Bəni Ğalibə ordu bə tarıx dəbəşış tl !

Vətəni marzi pojon vırədə ebəjeş tı!

Azərboyconi sərboz !

Azərboyconi sərboz !