Powered by Joomlamaster.org.uatogether with Joomstudio.com.ua

 

                                                                                                                                                                                          Az (1) Ru (1) En (1)

Friday, 10 May 2019 07:25

СЕВДАДИН САД ЛАГЬАЙ КТАБ - "ФИРИ ЯРУ ШИВ"

Written by 
Rate this item
(0 votes)

Къенин югъ «Самур» газетдин коллектив паталди кутугайди я. Вичин махар мукьвал-мукьвал «Самур» газетдин чинриз акъатзавай чи жегьил къелемэгьли Азизрин Севдадин «Фири яру шив» тIвар ганвай сад лагьай ктаб чапдай акъатнава. Севдадин кьетIен жуьреда къелемдиз къачунвай махари фадлай чи кIелдайбур чпихъ ялзава. И ктаб акъатун вилив хуьзвайбур гзаф авай. Зегьметдал рикI алай, вичин махарин чIал лезги чIалан иер, хъуьтуьл наварив дугурнавай Севдади и ктабдин винел пуд йисуз кIвалахна. Гьавиляй гзаф метлеблу махарикай туькIуьрнавай зурба ктаб арадиз атана. Кутугай иер шикилрини вирибур регьятдиз гъавурда акьадай михьи чIала аялар патал кхьенвай кIватIалдин къиметлувал генани артухарзава. 


Хъсан духтур тир Азизрин Севда пуд чIалал – лезги, урус ва азербайжан чIаларал кхьизвай къелемэгьли я. Адаз гьакIни са шумуд къецепатан чIалар чида. Ингье адан рикIе лезги чIалаз авай кIанивал са куьнивни гекъигиз тежерди я. Махар туькIуьрун вичин виридалайни рикI алай пеше тир жегьил къелемэгьлидин гележегда хайи чIалал ихьтин гзаф ктабар акъатдайдан чIалахъ я чун.
Мубарак хьурай ваз сад лагьай ктаб, Севда! Самур» газетдин редакцияди мукьвал йикъара аялар патал и ктаб чиниз акъуддай сувар кьиле тухуда.

Read 80 times

LATEST NEWS



Popular news